Að mörgu er að hyggja þegar menn rannsaka norræn trúarbrögð til forna og heimildir eru af ýmsu tagi. Hvaðan kemur okkur vitneskja um trú forðfeðranna?

Ritaðar heimildir eru af margvíslegum toga.

Heimildagildi Íslendingasagna hefur verið vefengt, enda eru hinar  elstu skrifaðar um 200 árum eftir að kristni var lögfest. Ef til þess er litið, að heiðin viðhorf hafa lifað lengi eftir kristnitöku og gömul munnmæli búa að baki  ýmsum frásögnum, má með varúð nota Íslendingasögur og önnur verk, sem varðveist hafa í íslenskum handritum, t.d. Flateyjarbók, einkum ef lýsingar þeirra koma heim og saman við fornminjar eða aðrar heimildir.