Að mörgu er að hyggja þegar menn rannsaka norræn trúarbrögð til forna og heimildir eru af ýmsu tagi. Hvaðan kemur okkur vitneskja um trú forðfeðranna?

Ritaðar heimildir eru af margvíslegum toga.

Eddukvæði eru ómetanleg heimild um grundvallaratriði ásatrúar, sköpun heimsins og tortímingu, sem mörg yngri rit byggjast á. Menn greinir á um aldur þeirra, en þau eru ekki skráð fyrr en á 12. eða 13. öld. Besta handrit þeirra er Konungsbók, skrifuð seint á 13. öld. Án efa eiga mikilvægustu eddukvæðin, Völuspá, Grímnismál, Vafþrúðnismál og Hávamál, sterkar rætur í heiðni.