Njála
Verkefni 1. – 24. kafla

• Hjónaband Hrúts og Unnar
• Fyrstu tvö hjónabönd Hallgerðar langbrókar
• Gunnar heimtir fé Unnar

1. Þegar persónur eru kynntar til sögunnar þarf að athuga hvað einkennir þær: útlit, skapgerð, hæfileikar, gallar, kostir, ætterni, þjóðfélagsstaða. Munið að taka sérstaklega vel eftir ætterni og mannkostum og - göllum. – Hvaða umsögn fá þessar persónur: Hallgerður (1. og 9. kafla), Gunnar, Njáll og Bergþóra?

2. Hvað ræður þegar maki er valinn og gengið er frá samningi um hjónaband (kaupmála), t.d. hjá Hrúti og Unni? Hvernig líður Unni í brúðkaupsveislunni?

3. Hrútur er sagður „manna vitrastur, hagráður við vini sína en tillagagóður hinna stærri mála“. Finnið þrjú dæmi þar sem hann segir fyrir um hvernig mál munu þróast. (1., 2. og 10. kafla).

4. Hvers konar manneskja er Gunnhildur? Hvað einkennir hana og hvernig reiðir þeim af sem umgangast hana? – Þau ykkar sem hafa lesið Eglu: Hvernig var Gunnhildur í Eglu, er eitthvað líkt með henni í báðum sögum?

5. Hvernig fór hjónaskilnaður Hrúts og Unnar fram? Hver var skilnaðarorsökin og hvar er orsaka hennar að leita?

6. Hvernig fellur lýsingin á Hrúti í upphafi sögunnar að framkomu hans við Gunnhildi, Unni og Mörð gígju? Hvað getum við ályktað um Hrút af uppákomunni vegna strákanna í lok 8. kafla.

7. Hvernig reynist Unnur vera þegar hún ræður sjálf sínum málum? Athugið 18., 21. og 25. kafla.

8. Hvernig nær Unnur fé sínu frá Hrúti? Hvernig fellur hlutur Njáls og Gunnars í því máli að lýsingunni á þeim? Hvers vegna á Gunnar bæði að hafa horaðan og feitan hest í ferð sinni til Hrúts? Hvað felst í orðum Hrúts og Höskuldar þegar Gunnar fær féð greitt?

9. Hvað getum við ályktað um skapgerð Hallgerðar af tveimur fyrstu hjónaböndum hennar? Hvernig er samband hennar við föðurinn? Hvernig maður er Höskuldur?

10. Hvað er gert til að annað hjónaband Hallgerðar gangi betur en það fyrsta? Hvað gerir Hallgerður sjálf? Hvað verður til þess að það gengur ekki upp? Hvað merkir hlátur hennar í 11. og 17. kafla? – Leggið kinnhestana á minnið.

11. Hvers konar maður er Þjóstólfur? Hver er uppruni hans og hvernig er sambandi hans við Hallgerði háttað?

12. Hvers konar maður er Svanur? Hvernig er hann tengdur Hallgerði? Hvernig ná þeir Þjóstólfur saman?

13. Hvers vegna tekur Hallgerður fyrstu tveimur eiginmönnum sínum á svo ólíkan hátt? Hvað skilur þá að? Hvað er til merkis um að hún vilji Þorvald feigan en ekki Glúm?

14. Getur ættanna kynlega blanda skýrt hegðun Hallgerðar?

Svör. Ekki kíkja á þau fyrr en þið hafið reynt við spurningarnar.

© Íslenskudeild FÁ