Njála
Verkefni 46. – 56. kafla

• Viðskipti Gunnars og Otkels

1. Gissur hvíti, Geir goði og Mörður Valgarðsson eru allir goðar. Er virðing þeirra og styrkur í samfélaginu sá sami?

2. Hvernig má skýra að Otkell vill ekki selja Gunnari mat og hey en býður honum þræl til kaups? Athugið ólík viðbrögð Bergþóru og Njáls við hegðun Otkels.

3. Er hægt að kalla einhverja persónu í þessum köflum illmenni? Ef svo er, hver er það og hvers konar umsögn fær persónan í kynningunni?

4. Þjófnaður taldist svívirðilegur glæpur á vígaöld. Hvað rekur Hallgerði til að gerast þjófur og bera stolna matinn á borð fyrir gesti?

5. Gunnar óvirðir Hallgerði í fjölmenni í annað sinn. Hvað líður um huga lesanda er hann les þessa frásögn og minnist fyrri kinnhesta? Hvað finnst ykkur um þessa framkomu Gunnars við eiginkonuna?

6. Eiga Mörður og Otkell eitthvað sameiginlegt? Hvað er ólíkt með þeim?

7. Hvers vegna tekur Skammkell að sér að ganga á fund Geirs goða og Gissurar hvíta? Var það vinargreiði eða gekk honum eitthvað annað til? Hvernig gekk honum að svara fyrir gerðir sínar?

8. Kaflar 51, 56, 66 og 70 enda allir á svipuðum orðum. Hvaða hlutverki gegna þessar endurtekningar?

9. Er eitthvað ósennilegt við lýsinguna á því þegar Otkell ríður á Gunnar ofan? Hvaðan er rógur sá er nú fer af stað um Gunnar runninn? Athugið viðbrögð Runólfs í Dal við honum og hvað ráða má um manngerð hans af þeim.

10. Í kafla 54 koma „kostir“ atgeirsins í ljós. Hvaða forspá tengist honum?

11. Gunnari þykir miður að fella Hallbjörn hinn hvíta. Er maklegt að hann skuli falla fyrstur? Hvað hafði hann lagt til í málanna?

12. Skýrið viðbrögð Hallgerðar og Marðar í 54. kafla.

13. „Hvað eg veit,“ segir Gunnar, „hvort eg mun því óvaskari maður en aðrir menn sem mér þykir meira fyrir en öðrum mönnum að vega menn.“ Hvað er hægt að lesa úr þessum lokaorðum 54. kafla.

14. Hvaða heilræði gefur Njáll Gunnari í 55. kafla. – Takið vel eftir þegar minnst er á þessi heilræði síðar í sögunni.

© Íslenskudeild FÁ