Njála
Verkefni 75. – 81. kafla

• Ungir menn halda utan en Gunnar snýr aftur. Athugið hverjir fóru utan sumarið sem Gunnar snéri aftur.

1. Hvað veldur því að Gunnar rýfur sætt sína? Tilviljun, búmannstryggð við jörðina, ættjarðarást, ást á Hallgerði, ofmetnaður, ofbeldislund? (75)

2. Taldi Gunnar það dóm forlaganna að hesturinn hnaut? (75)

3. Er hugsanlegt að afstaða höfundar birtist í ummælum Kolskeggs við skilnað bræðranna? (75)

4. Hvers vegna er Hallgerður ánægðari með bónda sinn nú en fyrr í sögunni? Hefur hún breyst eða hann? (75)

5. Gunnar þiggur boð Ólafs pá fyrst en fer svo hvergi. Hvaða skýring gæti verið á því? (75)

6. Hvers vegna storkar hann óvinum sínum með því að sækja alla mannfundi?(75)

7. Er umhyggja Njáls og Gunnars gagnvart sonum sínum bundin vantrausti? (75)

8. Veldur synjunin um hárleppana falli Gunnars ? Hvernig ber að skilja orð Hallgerðar: „hirði ég aldrei hvort þú ver þig lengur eða skemur“? (77)

9. Hvaða hvatir réðu þátttöku þeirra Gissurar og Marðar að aðförinni að Gunnari? Hvað lögðu þeir til mála? Ath. sérstaklega orð Gissurar.(77)

10. Hvað tákna ummæli Rannveigar: „Að heldur tveim, að ég mundi veita yður öllum“? (77)

11. Hvers vegna fer Hallgerður að Grjótá en ekki vestur í Dali til ættmenna sinna eftir fall Gunnars? Hverjir bjuggu á Grjótá og hvar er sá bær? (78)

12. Hvernig stendur á því að henni er vært í Fljótshlíðinni þrátt fyrir gerðir sínar? (78)

13. Skarphéðinn hlífir Merði þó hann eigi kost á að drepa hann. Hvaða skýring gæti verið á því? Hverja höfðu þeir Högni drepið áður en þeir fóru að hitta Mörð? (79)

14. Mörður er látinn greiða allan kostnað eftir dráp Gunnars á Hlíðarenda. Er það réttlátt þar sem Gunnar hafði fyrirgert lífi sínu? Bendir eitthvað til þess að Merði svíði þessi málalok? (80)

15. Hvor þeirra bræðra, Gunnar eða Kolskeggur, ætli að hafi verið þóknanlegri þjónum kristinnar miðaldarkirkju? Munið hvenær sagan er skrifuð!

© Íslenskudeild FÁ