Njála
Verkefni 133. – 159. kafla

• Inngangur; undirbúningur brennumála.
• Brennumálin og bardagi á alþingi.
• Hefnd Kára og Þorgeirs.
• Hefnd Kára og Bjarnar úr Mörk.
• Utanfarir, Brjánsbardagi, suðurgöngur og loks sættir.

1. Draumur Flosa er forspá og vitnar um sterka örlagatrú. Hvað tákna þagnirnar á milli þess að jötunninn kalllar á menn?

2. Hvaða aðferðum beitir Flosi í liðsbóninni og hvaða árangri nær hann? (133)

3. Hvers vegna leggur Flosi meira kapp á að afla liðs en lögfræðings og hvers vegna er er Mörður látinn sækja vígsmálið á hendur Flosa? (135)

4. Fótarmeini Þórhalls er lýst kímilega en meinið reynist örlagaríkt. Hvernig? (135)

5. Hver vegna óvirðir Flosi Ásgrím Elliða-Grímsson? Skýrið gerðir Ásgríms.(136)

6. Er hringurinn sem Flosi færir Eyjólfi Bölverkssyni múta eða málafærslulaun? (138)

7. Hvað veldur því að sóknin í brennumálinu ónýtist fyrir fimmtardómi: rangur málatilbúningur, slæleg framganga Marðar, fjarvera Þórhalls, slægð Eyjólsf? (144)

8. Hvers vegna sættist Ásgrímur við Flosa? Flosi sættist við alla sem hann nær sáttum við, tekur algerum sinnaskiptum, sættir sig við örlögin í stað þess að láta kappgirni og metnað ráða gerðum sínum? Hvaða ástæður teljið þið líklegastar: hræðsla, samviskubit, hyggindi, göfugmennska, iðrun, áhrif Síðu-Halls, draumurinn? (145).

9. Hvers vegna gefur Ketill úr Mörk fyrirmæli um flótta – en ríður síðastur undan? (146)

10. Hvað veldur því að nú og oft síðar í sögunni er brennumaðurinn Flosi hafinn mjög til vegs en ekki aðrir sem að verkinu stóðu? Hvers vegna er Flosi látinn óáreittur þótt menn hans séu hundeltir? (146)

11. Hvers vegna knýr Kári Þorgeir skorargeir til sátta og sýnir Halli vinsemd en vill ekki sættast sjálfur?

12. Er Kári að rjúfa tengsl sín við ætt Njáls er hann afsalar sér fjármunum sínum og hverfur frá Holti? (148)

13. Hvaða erindi á Björn í Mörk inn í söguna?

14. Hvaða ástæður valda því að Björn velur ekki þann kost að flýja frá Kára fyrir bardagann á Kringlumýri? (151)

15. Hvers vegna vill Ketill nú drepa Kára en aldrei fyrr? (151)

16. Skýrið svar Kára við spurningu Valgerðar við frammistöðu Björns? (152)

17. Hvernig bregst Flosi við vandanum sem mætir honum í Orkneyjum? (153)

18. Hví nota brennumenn ekki tækifærið til að drepa Kára þegar jarl mælir svo fyrir? Bjargar Flosi lífi Kára í veislunni í Orkneyjum? (155)

19. Á hvaða stoðum hvíla sættirnar sem gerðar eru í lok sögunnar? (159)

© Íslenskudeild FÁ