Njála
Verkefni 57. – 66. kafla

• Viðskipti Gunnars og þeirra Starkaðar undir Þríhyrningi og Egils í Sandgili

1. Hvaða umsögn fá synir Starkaðar og Egils í Sandgili? Hvað merkja viðurnefni dætranna? Hvað gera stúlkurnar í sögunni? Hvernig er fólkið skylt?

2. Hestaat verður tilefni deilna þeirra Starkaðar og Egils við Gunnar. En hver er hin raunverulega orsök deilnanna?

3. Hvað má ráða af samtali Njáls og Gunnars í lok 58. kafla?

4. Börn fæðast þeim Hallgerði og Þorgerði. Skráið hjá ykkur nöfn þeirra og einkenni þegar þau eru nefnd, jafnt núna sem síðar í sögunni.

5. „Rýrt mun verða fyrir honum smámennið […] og eigi er ráð að hafa færri en þrjá tugi manna.“ Svo mælir Sigurður svínhöfði. Hvað segir þetta okkur um Gunnar og þá sem við hann deila?

6. Hvað er það í draumi Gunnars fyrir bardagann við Knafahóla sem gerir það að verkum að hann vildi að þeir væru fleiri?

7. Kolskeggur og Kolur eigast við í bardaganum og samtal þeirra er með þeim frægari. Hvað er svona sérstakt við það og hvað má álykta um hetjuhugsjón og frásagnarhátt Íslendingasagna af orðum þeirra?

8. Hvað má álykta um Þorgeir Starkaðarson af orðum hans og gerðum í bardaganum? Er eitthvað sem minnir á Skammkel áður?

9. Hvernig tengist Mörður Valgarðsson þessum hluta sögunnar og hvað liggur að baki hjónabandi hans? Hvað verður að lokum til þess að hann styður Þorgeir?

10. Hvað einkennir málatilbúnað Njáls og hvað ræður sáttum á þingi?

11. Einn maður lofar að standa ætíð með Gunnari í deilum og annar að hann muni aldrei vera í móti honum. Hverjir eru þeir og hví lofa þeir þessu?

© Íslenskudeild FÁ