|
|
|
Málsaga
Hljóð úr hálsi Svör við nokkrum
spurningum
2. Í er frammælt og ókringt. Ú er uppmælt
og kringt. Bæði eru nálæg.
5. Einhljóðum fækkar. Tvíhljóðum fjölgar.
Hljóðdvalarbreytingin.
6. a) Vestfirskur einhljóðaframburður. Mállýskueinkennið
felst í því að sagt er einhljóð á
undan -ng og -nk, langi Mangi, en ekki tvíhljóð, lángi
Mángi (á = aú). b) Skaftfellskur einhljóðaframburður.
Mállýskueinkennið felst í því að
sagt er einhljóð á undan -gi, [boj]i, en ekki tvíhljóð,
[boíji].
7. e og i falla saman í e, og u og ö falla saman í
ö.
8.
Ásgrímur gamli (gömul, u-hlj.) á Hlöðum
(Hlaðir, u-hlj.) var firnagóður (gæði,
i-hlj.) söngvari (sbr. ensku sang af sing, u-hlj.) á
yngri (ungur, i-hlj.) árum (sbr. góðæri,
i-hlj.) sínum en ekki dreymdi (draumur, i-hlj.) hann um
að verða frægur (af frágum sem er 3. kennimynd
af fregna, i-hlj.) fyrir hljóð (hlýða,
i-hlj.) sín. Einna best líkaði honum að syngja
í fjósinu fyrir kýrnar (sbr. kú,
i-hlj.) og ekki var örgrannt (grönn, u-hlj.) um að
skepnurnar(af skapa, i-hlj.) mjólkuðu (kýr
eru mylkar, i-hlj.) betur, enda söng hann af hjartans lyst
(losti, i-hlj.) . Uppáhaldskýrin (höld, sbr,
skepnuhöld, u-hlj.) hans Ásgríms hét Ljómalind
og hann batt bjöllu (enska bell, klofning) um hálsinn
á henni. Um jólin (sbr. ýlir, i-hlj.) lét
hann bjölluna hanga (höngum, u-hlj.) í rauðum
borða til að hafa einhverja tilbreytingu (braut, i-hlj.)
á skrautinu. Ljómalind átti það til að
ráfa til fjalls (fell, fjöll, klofning) þegar
vel viðraði veður, i-hlj.), en það var
þó sjaldan og einungis þegar sól (forsæla,
i-hlj.) skein í heiði.
|
|
|