Málsaga

Víkingaferðir og landnám

1. Hvar mynduðust sérstök málfélög norrænna manna á víkingaöld utan Skandinavíu og Danmerkur? Hvar eru þau málfélög enn þá? Hvar hafa þau horfið? Hver gæti verið skýringin á að þau héldust eða hurfu? – Stundum getur verið gott að skoða kort.

2. Á víkingaöld var norræn tunga töluð á mörgum stöðum á Bretlandseyjum og mál manna varð fyrir norrænum áhrifum. Hvernig sjáum við merki um þetta nú á tímum?

3. Ef miðað er við skyldleika íslensku við nútímamál á Norðurlöndum, hvaðan er þá líklegast að flestir landnámsmenn hafi komið? Hvaða fleiri stoðum má renna undir þessa skoðun? Hverjir voru þeir hópar sem ekki eru taldir upp með landnámsmönnum og hvaðan er hugsanlegt að stór hluti þeirra hafi komið?

4. Finnið nokkur norræn örnefni á efra kortinu á 50. bls. og samsvaranir þeirra á neðra kortinu, en það sýnir hvernig örnefnin lifa áfram í máli þeirra sem nú búa á Orkneyjum. Hversu lengi var norrænt mál notað á Orkneyjum?

5. Hvað einkennir íslenska málsvæðið miðað við mörg önnur landsvæði? Hvaða rök mæla með því að hér hefðu átt að myndast mállýskur og hvað hamlaði gegn því að það gerðist?

6. Nefnið helstu ástæður fyrir því að tungumál breytast.