4. Kristnitakan árið 1000 kom með fjölda tökuorða
og nýmerkinga í málið. Siðskipti árið
1550 höfðu í för með sér breytingar á
stíl að dansk/þýskri fyrirmynd. Menn fóru
að forgefa, bífala og fengu konunglegan prófoss (böðul).
8.
Nýlega settist vígslubiskup (um 1000) að í
Skálholti, en þar hefur biskup ekki setið síðan
staðurinn hrundi í jarðskjálfta síðla
á 18. öld. Síðan hefur margt breyst. Ný
kirkja (um 1000) var reist á 6. tug þessarara aldar
að loknum umfangsmiklum uppgrefti fornleifa. Þar fundust ýmsir
góðir gripir, en merkasti fundurinn var kista Páls
(nafn úr biblíunni, eftir 1000) biskups, gerð úr
steini. Fullvíst er að í kistunni voru jarðneskar
leifar Páls, því að bagall (um 1000)
hans var auðþekktur.
Nú er öðru vísi umhorfs í Skálholti
en forðum daga er skólapiltar (11. öld) settust
þar á bekk um miðja 11. öld með griffil og
vaxspjald og hófu að lesa grammatík (eftir
1000), en ekki leið á löngu uns þau ágætu
fræði fengu það heiti sem þau bera nú,
málfræði. Einnig hafa piltar lært mælskulist
og rökfræði, en fátt eitt í sálarfræði
og félagsfræði, sögu og dönsku, svo eitthvað
sé nefnt af því sem þið hafið á
námsskrá. Og í Skálholtsskóla var
ekki lesið um Gunnar á Hlíðarenda eða seinni
tíma riddara sem af stakri kurteisi (13. öld) og
einbeittri siðfágun hneigðu sig í duftið fyrir
skrúfhárum prinsessum í sínu besta pússi
(u.þ.b. 13. öld) með glaðél sér við
hlið en hárbeitta kesju (13. öld) hjá
skriðfráum jó. Þessir ágætu kappar
áttu ekki byssu (15. öld) eða önnur slík
vopn. Nú er hins vegar öldin önnur og hefur eignast
nýjar hetjur. Morgan Kane mundar sexhleypuna á örskammri
stundu.