Egla
Verkefni 69. – 78. kafla

1. Fjórða utanferð Egils. – Egill fer beint á fund Arinbjarnar sem sestur er að búum sínum í Noregi eftir vist á Englandi með Eiríki blóðexi og Gunnhildi. Þar ber fyrst fyrir augu veglega fatasýningu. Arinbjörn gefur Agli tvenn skartklæð „við vöxt Egils“ eins og segir í sögunni. Er ekki Egill smart í slæðunum og „jólasveinabúningnum“ enska. – Hvert var annars tilefni fjórðu ferðar Egils?

2. Lesið vandlega 70. kafla. Þessi kafli fjallar um ógleði Egils og hvernig Arinbjörn gengur sífellt erinda hans og eru vináttunni engin takmörk sett – eða hvað? Orð, orðtök og stíll mannlýsinga verður eftirminnilegur. Persónum er lýst með markvissum lýsingarorðum eða gildishlöðnum orðum. Skoðið þetta vel.

3. Vinirnir í víking. Hverjir eru þeir?

4. Vermalandsför. – Af hverju fer Egill í þá för? – Rifjið upp atburði er tengjast þessum sögupersónum á Vermalandi: Arnviður jarl, Þorsteinn Þóruson, Ármóður skegg, Helga Þorfinnsdóttir og Álfur hinn auðgi.

5. Egill er ruddalegur og blóðþyrstur á Vermalandi og jafnframt hjálpsamur og greiðvikinn og sem fyrr vinur vina sinna. Ekki má gleyma hamremminu þegar í bardaga er komið. Finnið nú dæmi um þetta allt.

6. Nafn Önundar sjóna Ánasonar var nefnt í upphafi fjórðu ferðar. Skalla-Grímu gaf föður hans land á Ánastöðum í upphafi landnáms síns á Íslandi og alla tíð var kært með þeim Agli og Önundi sem og verið hafði með feðrum þeirra. Nafn Önundar ber oft á góma í þessari ferð. Hér býr eitthvað undir. Með þessum hætti erum við lesendur búnir undir það sem koma skal, illt eða gott. – Munið líka eftir slæðunum, þær gætu birst aftur.