Egla
Verkefni 50. – 57. kafla

• Skoðið vel kort og nöfn (309. bls.) og áttið ykkur á hverjir eru valdsmenn og hvar þeir ríkja.
• Hvað merkir orðatiltækið „að hasla sér völl“ í 52. kafla? En í nútímamáli?

1. Athugið vel hverju norrænir menn réðu í raun og veru á Englandi á víkingaöld. Hve útbreidd var menning þeirra og tunga þar?

2. Hverjir svíkja sinn drottin? Veitið athygli því sem sagt er um Aðalstein Englandskonung í 50. kafla að hann hafi fóstrað Hákon góða, síðar Noregskonung.

3. Rekið í stuttu máli hvernig Aðalsteinn konungur og menn hans fengu Ólaf Skotakonung til að bíða meðan þeir söfnuðu liði.

4. Kannið lýsingu Egils og Þórólfs og annarra manna fyrir bardaga á Vínheiði og skoðið vel framgöngu þeirra í bardaganum og kortið á 310. bls.

5. Berið hefnd Egils eftir bróður sinn saman við hefnd feðganna Kveld-Úlfs og Skalla-Gríms eftir Þórólf Kveld-Úlfsson. Hefur orðið breyting á afstöðu Egils til Þórólfs? Rifjið upp samskipti bræðranna.

6. Sérstæð er lýsingin á Agli í höll Aðalsteins. Lesið hana vandlega og reynið að gera ykkur í hugarlund tilfinningar Egils er hann hefnir bróður síns, grefur og væntir bróðurgjalda. Hvað verður um allt silfur er Egill eignast?

7. Í kvonbænaraunum Egils eru tilfinningar enn í fyrirrúmi. Hver kemur honum til hjálpar? Lýsið Agli við þessar aðstæður.

8. Fyrsta utanferð Egils var viðburðarík. Takið saman yfrirlit um helstu atburði. Hve lengi stóð dvöl Egils ytra? Hvað er Egill gamall þegar hér er komið sögu?

© Íslenskudeild FÁ