Egla
Verkefni 57. – 59. kafla

• Skoðið ættartré á 317. bls.

1. Önnur utanferð Egils. Hvert er tilefni ferðarinnar? – Skoðið vel málatilbúnað Egils á hendur Berg-Önundi. Er ekki eins og sagan sé að endurtaka sig? „Glík skulu gjöld gjöfum.“

2. Framarlega í 57. kafla má finna dæmi um: viðvörun, ögrun og hótun. Hver varar hvern við? Hver ögrar hverjum? Hver hótar hverjum? Hvernig myndu nútímamenn útskýra þessi samskipti manna?

3. Hlustið á ræður málsaðila á Gulaþingi. – Hver er kjarninn í ræðum Egils og Berg-Önundar? Hvað hafa þeir til síns máls? Hver er stuðningur Arinbjarnar við Egil í þessu máli? Hvaða máli skiptir hann?

4. Fjandskapur Gunnhildar og Egils blossar upp. Hvernig lýsir það sér? Rifjið upp fornar deilur þeirra. Veitið athygli er Gunnhildur skammar mann sinn, Eirík blóðöx, – og ekki í síðasta sinn. Spennandi hjónaband?

5. Hvaða eiginleikar Egils koma í ljós er hann fellir Berg-Önund og bræður hans? Er Egill sigurvegari í þessari viðureign? Hefur hann komið sínu fram? Hvernig skiljast þeir Arinbjörn og Egill nú?

6. Enn er uppgjör við konungsættina. Í hverju felst það?

7. Egill heldur heim til Íslands. Hve lengi hann var utan í þetta sinn?

© Íslenskudeild FÁ