Tákn

Tákn vísa til tveggja sviða eins og myndhverfingar og líkingar. Orð er notað á þann hátt að jafnframt bókstaflegri merkingu þess liggur að baki önnur merking og þurfa engin augljós tengsl að vera milli þessara sviða. Þessi tengsl orðanna nefnast táknmál.

Tákn eru einkum þrenns konar: hefðbundin tákn (kross, giftingar-hringur , rautt ljós), náttúruleg tákn (vor, haust , morgun, kvöld), Einstaklingsbundin tákn - þessi gerð tákna reynir mest á túlkun lesanda. Í raun má gæða hvað sem er táknrænni merkingu, þannig verður rauður steinn í vegarins ryki tákn glataðra tækifæra á lífsleiðinni í ljóði Guðmundar Böðvarssonar, Rauði steinninn.