Samkeppni um glæpasmásögu 2004

Úrslit í samkeppni Grandrokk og Hins íslenska glæpafélags um glæpasmásögu voru tilkynnt á menningarhátíð Grandrokk fimmtudaginn 3. júní 2004 kl. 21.00. Vinningshafar lásu brot úr sögum sínum. Á eftir var djass.

1. verðlaun: Jón Hallur Stefánsson, Enginn engill.
2. verðlaun: Sigurður Sigurðarson, Hvítt umslag.
3. verðlaun: Viktor Arnar Ingólfsson, Móðurmissir

Auk þess voru veitt ein innherjaverðlaun fyrir sögu sem gerist á Grandrokk og lýsir andrúmsloftinu þar vel. Þau hlaut Þorfinnur Guðnason. Verðlaunin voru viskíflaska af þeirri tegund sem Winston Churshill drakk.

Alls barst 41 saga. Mikil fjölbreytni var í sögunum, sögurnar voru vel skrifaðar og margar þeirra komu til greina í verðlaunasæti.

Í þriggja manna dómnefnd voru: Bjarni Þorsteinsson, Brynhildur Björnsdóttir og Kristinn Kristjánsson.

Vinningssögurnar ásamt sex öðrum voru gefnar út af Almenna bókafélaginu 2004: Smáglæpir og morð.

Hið íslenska glæpafélag og GrandRokk efna til samkeppni um glæpasmásögu. Úrslit verða tilkynnt á menningarhátíð GrandRokk í byrjun júní 2004. Skilafrestur er til 1. maí 2004.

1. verðlaun: 300.000, - kr (helmingur í Viðskiptanetinu)
2. verðlaun: 100.000, - kr (helmingur í Viðskiptanetinu)
3. verðlaun: 50.000, - kr (allt í Viðskiptanetinu)

Handriti á að skila undir dulnefni og rétt nafn fylgi með í lokuðu umslagi. Handrit skal sent til GrandRokk, Smiðjustíg 6, 101 Reykjavík. Merkt: Samkeppni.

GrandRokk áskilur sér kvikmyndarétt að sögunum og verður samið um það við höfunda..

Fyrirspurnir hafa borist – Ef fleiri vakna þá vinsamlegast sendið þær til kkrist@fa.is

a) Hversu löng á sagan að vera? Svar: Ákveðið var að hafa ekki nein ákveðin mörk um lengd. Lengd smásagna er sveigjanleg. En ef smásögur eru skoðaðar kemur í ljós að flestar fylgja þær einhverjum mörkum hefðarinnar.

b) Hvert á efnið að vera? Svar: Mörk glæpasögu mótast yfirleitt af því að glæpur er framinn og hann leystur. Sumar glæpasögur reyna þó einmitt á þessi mörk.

Upplýsingar um Viðskiptanetið: Vinningshafar fá ákveðna upphæð á korti frá Viðskiptanetinu og geta keypt þar ýmsa hluti og þjónustu.