|
||||||
Lög Hins íslenska glæpafélag1. grein: Félagið heitir Hið íslenska glæpafélag. 2. grein: Heimili félagsins og varnarþing er í Reykjavík. 3. grein: Félagið er fulltrúi Íslendinga (Íslandsdeild) í Skandinaviska Kriminalsällskapet (SKS). 4. grein: Tilgangur félagsins og markmið er: a) að stuðla að viðgangi glæpasagna á Íslandi, b) að stuðla að kynningu íslenskra glæpasagna, jafnt á Íslandi sem öðrum löndum, c) að taka þátt í starfi Skandinaviska Kriminalsällskapet (SKS). 5. grein: Félagar geta orðið: a) höfundar sem hafa samið eina glæpasögu, -leikrit eða -kvikmyndahandrit, b) þeir sem hafa þýtt glæpasögur, skrifað um glæpasögur eða á einhvern hátt stuðlað að framgangi bókmenntagreinarinnar. Stjórn félagsins skal meta þá sem sækja um aðild. 6. grein: Stjórn félagsins skipa foringi, féhirðir og bókari. Stjórnin skal kosin á aðalfundi til eins árs í senn. Aðalfundur skal haldinn í mars eða apríl á hverju ári. Aðalfundur skal boðaður skriflega eða með tölvupósti með tveggja vikna fyrirvara. Einfaldur meirihluti ræður úrslitum mála. 7. grein: Dagskrá aðalfundar skal vera: a) skýrsla stjórnar, b) reikningar, c) lagabreytingar, d) kosning stjórnar og endurskoðanda og e) önnur mál. 8. grein: Dómnefnd þriggja manna skal skipuð á aðalfundi og skal hún velja íslenskar bækur til að leggja fram í samkeppni SKS um bestu norrænu glæpasöguna. 9. grein: Aðalfundur ákveður árgjöld að fenginni tillögu gjaldkera. Atkvæðisrétt á aðalfundi hafa einungis skuldlausir félagsmenn. 10. grein: Lögum þessum verður aðeins breytt á aðalfundi ef helmingur félagsmanna er samþykkur. Breytingartillögur skulu hafa borist viku fyrir aðalfund. Lög þessi öðlast þegar gildi. Samþykkt á stofnfundi 29. september 1999. Breytingar á 6. grein samþykktar á aðalfundi 29. apríl 2002: Stjórn félagsins skipa formaður, gjaldkeri og ritari. breytt í Stjórn félagsins skipa foringi, féhirðir og bókari. |
||||||
![]() |
![]() |
![]() |
![]() |
![]() |