Kross er eldgamalt tákn og til í mörgum myndum og afmarkaði ekki hvað síst andstæður í rúmi: uppi / niðri, hægri / vinstri. Tölur krossins eru 4 (endapunktarnir) og 5 (endapunktarnir og skurðpunktur línanna). Paradís táknuðu menn með krossi því að þaðan renna fjórar ár. Jafnframt er krossinn tákn fyrir fjórar höfuðáttir. Hann var tákn fyrir heiminn meðal indíána.

Hjólkrossinn er ævagamall og hann er í senn tákn fyrir sól og jörð, hvernig gangur sólar skiptir árinu í fjórar árstíðir.

Sólkross

latneskur kross

grískur kross

Péturskross

Krossfesting manna er upphaflega fórn til trjáguðs, en krossfesting Krists var formleg aftaka og átti ekkert skylt við fórnarathöfn. Í frumkristni var krossinn ekki notaður sem tákn, en á þriðju öld byjuðu menn að nota krossformið sem tákn og þó dulbúið. Menn máluðu myndir af mönnum með hendur teygðar til hliða, akkeri með þverslá, skip með mastri og rá og reiða þvert á það. Frá og með 4. öld varð krossinn opinbert tákn kristni, tákn um eilíft líf. Kross er einni notaður sem tákn um þjáningu og er þá vísað í píslardauða Krists. Í merki Rauða krossins er krossinn boðberi líknar.