PRÓFAUNDIRBÚNINGUR

Þú hefur ákveðnar aðferðir við að læra og undirbúa prófin, sumar góðar og árangursríkar, aðrar ekki. Ekki er til hin eina rétta aðferð, en ef þú vilt bæta árangur þinn getur verið skynsamlegt að breyta námsvenjum að einhverju leyti.

• Glósur, undirstrikanir, verkefni, æfingar, dæmi, spurningar, tímapróf … allt eru þetta mikilvæg hjálpartæki fyrir próf

• Áttu erfitt með að einbeita þér ?

Þú getur haldið athyglinni vakandi með ýmsum hætti:

Ø tala við sjálfa(n) þig eða einhvern annan um það sem þú ert að lesa

Ø punktar niður spurningar um leið og þú lest

Ø rekja rauða þráðinn í hverjum kafla

Ø teikna upp mynd af sögu/persónu/atburði

• Áttu erfitt með að skipuleggja þig ?

Skiptu deginum niður í nokkrar vinnulotur:

Ø Einbeitingin verður meiri ef þú veist hvenær næsta pása verður

Ø Þú hjálpar minninu með því að taka stuttar pásur og rifja upp þegar þú kemur til baka

Ø Þú getur verðlaunað þig með jákvæðum hugsunum og með því að gera eitthvað skemmtilegt í hléinu

• Sjálfsögðu hlutirnir gleymast stundum:

Ø Ekki gleyma að sofa. Minnið vinnur mikilvægt starf á meðan við hvílumst

Ø Ekki gleyma að borða hollan mat

Ø Ekki gleyma að hreyfa þig á hverjum degi

Ø Ekki gleyma að hvetja þig áfram

• Ertu prófkvíðin(n)?

Ø Hóflegur prófkvíði er eðlilegur og getur ýtt undir einbeitingu og ástundum

Ø Of mikill kvíði veldur hins vegar skorti á einbeitingu og árangur verður lélegri en kunnáttan segir til um

Ø Þú getur gert ýmislegt til þess að minnka kvíðann, s.s. æft slökun og jákvæðar hugsanir og rætt um líðan þína við einhvern sem þú treystir: vin, fjölskyldumeðlim, umsjónarkennara eða námsráðgjafa

• Áður en þú byrjar á prófinu:

Ø Andaðu djúpt og láta axlirnar síga!

Ø Lestu yfir allt prófið því …

- þú færð yfirsýn og áttar þig á áherslum

- þú getur skipulagt próftímann miðað við vægi spurninga

- þú getur punktað niður lykilatriði á “krassblað”

- þú “kveikir á” minninu

• Gerir þú klaufavillur á prófum?

Ø Lestu spurningarnar vel, hvert orð er mikilvægt

Ø Vertu viss um að skilja spurninguna rétt

Ø Svaraðu á þann hátt sem um er beðið. Taktu eftir orðum eins og : alltaf – aldrei / stundum – sjaldan / og – eða

Ø Lykilorð í spurningum:

Lýstu …………….. þá áttu bara að lýsa

Bera saman…….. þá áttu að lýsa A og B og síðan nefna hvað er líkt/ólíkt með þeim

Ræðið…………….. þá áttu að lýsa, tilgreina kosti og galla, rök og mótrök.

• Jákvæðar hugsanir:

Ø Ég ætla að gera mitt besta.

Ø Ég get þetta, ég skal og ég ætla.

Ø Ég ætla að hafa gaman af að lesa undir prófin.

Ø Ég ætla að setja áhyggjurnar í kassa og taka þær fram við sérstök tækifæri!

GANGI ÞÉR VEL !