Eddukvæði – Markmið

Nemendur eiga að loknum lestri eddukvæða að

I. hluti – Handrit og efni

• vita hvenær eddukvæði voru ort og skráð
• þekkja nafn aðalhandrits eddukvæða (Konungsbók eddukvæða, Codex Regius)
• þekkja mun goðakvæða og hetjukvæða (yrkisefni)
• vita að eddukvæði eru ein helsta heimild sem til er um a) norræna goðafræði (ásamt Snorra-Eddu) og b) germanskan hetjukveðskap (ásamt Völsunga sögu og Niflungaljóði, sem er þýskt kvæði frá því um 1200)

II. hluti – Bragarhættir

• þekkja mun eddukvæða og dróttkvæða efnislega (yrkisefni) og formlega (bragareinkenni). Einnig nafn og nafnleysi skáldanna
• geta bent á einkenni ljóðaháttar í vísu
• geta bent á einkenni fornyrðislags í vísu

Og síðast en ekki síst!

III. hluti – Kvæði

• geta útskýrt vísur: a) geta útskýrt einstök orð, b) geta tekið saman vísu, c) geta orðað innihaldið með nútímamáli
• geta greint frá lífsskoðun Gestaþáttar Hávamála, það er geta greint frá helstu viðfangsefnum og afstöðunni til þeirra (t.d. gestrisni, vináttu, vits, öldrykkju, gjafa, hófsemi, reynslu, samræðna, framkomu, eigna, orðstírs)
• geta greint frá meginsögu Völuspár, geta greint frá einstökum þáttum þeirrar sögu. Þekkja goðafræðina sem tengist Völuspá.
• Þekkja einnig helstu persónur og fyrirbæri
• hafa lesið Hávamál (erindi 1 – 77), Völuspá og hluta Helga kviðu Hundingsbana II.

© Kristinn Kristjánsson