Íslenska 873
ÍSLE3LG05 Lestur góðra bóka
Kennari: Regína Unnur Margrétardóttir
Lestur og fróðleikur um skemmtilegar bækur
Vorönn 2021
Bók vikunnar, fróðlegir og skemmtilegir útvarpsþættir um úrvalsbækur
|
Áfanginn er ætlaður
þeim nemendum sem vilja lesa sér til ánægju og þroska. Tilgangurinn er að
kynnast fjölbreyttu úrvali þekktra bóka. Kennslustundir eru
ekki í stundatöflu. Námið fer fram í einkaviðtölum og þurfa nemendur að mæla
sér mót við kennara hverju sinni með hæfilegum fyrirvara, að lágmarki eins
dags. Hver nemandi velur sex verk
af meðfylgjandi bókalista í samráði við kennara. Ein skáldsaga má vera þýdd. Heildarblaðsíðufjöldi
bókanna 6 má ekki vera undir 1200 blaðsíðum. Nemendur eiga að lesa jafnt og
þétt alla önnina og einungis má gera grein fyrir einni bók í einu. Bannað er að gera grein fyrir bókum sem nemandi hefur lesið
sem kjörbók í öðrum áfanga eða eru kenndir í öðrum áföngum skólans. Þegar lestri
hverrar bókar er lokið sendir nemandi
kennara tölvupóst og pantar tíma og gerir síðan grein fyrir því sem hann
hefur lesið og gefur um leið upp nafn næstu sögu og pantar nýjan tíma.
Nemendur mega að taka með sér punkta um efni bókar og eiga þeir að vera í
samræmi við verkefnablað sem er að finna hér á síðunni og áfangalýsingu í
námskrá skólans. Nemendur ættu að
vera búnir að gera grein fyrir fyrstu bók kringum 10. september en fyrir
miðja önn (20. október ) verða nemendur að hafa lesið og gert grein fyrir 3 -
4 bókum. Áfanganum lýkur 30.apríl. Þá eiga 6 bækur að vera lesnar og búið að gera grein fyrir
þeim. Ef þessum skilmálum er ekki framfylgt þá fellur viðkomandi nemandi í
áfanganum. Einkunnir í
áfanganum eru á skalanum 1 -10. Námsmat byggir á framsögn, skipulagi og
leikni við að segja frá efni bókanna og einnig á því hvort framvinda
lestrarins er í samræmi við reglur áfangans um skil. Nemendur eiga að gera grein fyrir bók á
hálfsmánaðar fresti. Einungis er hægt að gera grein fyrir einni
bók í einu. Nemendur geta mælt
sér mót við kennara með tölvupósti
í fyrsta viðtal. Netfangið er regina@fa.is,
skoðið svo staðfestingu. Tímar til að
segja frá bók eru á stundatöflu
nemenda: Kennari er til viðtals um efni áfangans í kennslustofu fyrstu viku annarinnar. Markmið: ·
Að
geta tjáð sig munnlega á greinargóðu og blæbrigðaríku máli um efni bókar · Að geta sett saman munnlega
greinargerð um skáldsögu á lipran hátt Eftirfarandi er gott að hafa í huga þegar gera á grein
fyrir skáldsögu, fyllið út og takið með þegar gerð er grein fyrir sögunni
Bókalista er að finna á moodle
í áfanganum ÍSLE3LG05_RUM. |
|
|
|
|