Lausn mín á eigin vanda

Lausn mín á eigin vanda - Grein eftir Thelmu Good

Lykilatriði í grein Thelmu - sem er rithöfundur að eigin sögn:

Mikilvægt er

· að nota tölvur með leiðréttingarforriti

· að tala um efnið

· að nota stuðningsforrit með tali

· að vera afslappaður – læra að slaka á – þegar unnið er með orðaforðann – ef maður er stressaður verða villurnar fleiri (kennarar og foreldrar þurfa að læra þetta því þeir ýta oft undir stress)

· að búa sér til kerfi til að læra hægri og vinstri (úrið á vinstri hönd)

· að nota liti t.d. þegar maður setur verkefni eða gögn í möppur

· að átta sig á því að ef maður skrifar með skáletri í tölvu sjást villurnar síður

· að lesa orðið upphátt og skrifa það svo – nota fleiri en eitt skynfæri þegar unnið er með orð

· að læra uppruna orða og velta fyrir sér merkingu þeirra

· að hlusta á orð sem aðrir nota – nota þau í talmáli áður en þau eru skrifuð

· að taka pásu – vinna í stuttum en hnitmiðuðum lotum sem smám saman lengjast eftir úthaldi

· nota lyklaborð sem er tvískipt – það eykur tilfinningu fyrir hlutverki hvorrar handar

· að vera einn með sjálfum sér í rólegheitum þegar maður veltir fyrir sér orðum, les orðabækur og lærir stafsetningu. Spenna getur skapast í kennslustofu og af nærveru kennara

· að muna að besti kennarinn er maður sjálfur

Thelma uppgötvaði snemma að hefðbundnar aðferðir hentuðu henni ekki og oftast voru lausnir hennar byggðar á þrívíddarskynjun.

Að lokum segir Thelma að þótt tölvan sé besti vinurinn sé góður prófarkarlesari bráðnauðsynlegur og þakkar guði fyrir góðan eiginmann!

Heimild: http://members.aol.com/dddyslexia/mag10.html

Lesið 20. 2. 2003

Þýtt og endursagt: Sveinbjörg Sveinbjörnsdóttir