Fjölbrautaskólinn við Ármúla:

 

Fjölnir Ásbjörnsson og Guðni Kolbeinsson hafa gefið út tvær bækur um hraðlestur ásamt verkefnabókum: Lestu betur og Lestu nú. Þeir birta í fyrrnefndu bókinni athyglisverð atriði eftir Norman Lewis (How to Read Better and Faster) til íhugunar varðandi lestur en makrmið lestrarþjálfunar er að ná að tileinka sér þá lestrartækni sem felst í hægra dálkinum. Gott er að setja sér raunhæf markmið og gefa sér tíma til að vinna að einu atriði í senn.

Þú lest ekki nógu vel ef: Þú lest nógu vel ef:
1. þú lest hægt; 160 orð á mínútu eða minn. 1. þú lest 300 orð á mínútu eða meira.

2. þú lest allt efni, hvort sem það er auðvelt eða erfitt, með sama hraða.

 

 2. þú lest mishratt eftir því hvers konar efni þú ert að lesa. Auðvelt efni, frásagnir og viðbótar-skýringar lestu hraðar en tormeltan texta.

3. þú lest hvert einstakt orð eða jafnvel hvert atkvæði.

 

 3. þú lest efni textans, gerir þér sjaldnast grein fyrir einstökum orðum; lest mjög lauslega merkingarsnauð orð, setningar eða málsgreinar

4. þú bakkar oft í textanum - það er að segja lest orð eða setningar aftur til þess að tryggja að þú hafir skilið rétt.

 

 4. þú bakkar sjaldan eða aldrei í texta - eftirtekt þín er nákvæm, hröð, áreiðanleg og svo ómeðvituð að þú getur einbeitt þér að merkingu í stað einstakra orða.
5. þú hreyfir augun átta til tíu sinnum eða jafnvel oftar meðan þú lest eina meðallanga prentaða línu. 5. þú hreyfir augun þrisvar til fjórum sinnum meðan þú lest eina meðallanga prentaða línu.
6. þú "lest upphátt í hljóði" - það er að segja myndar orðin með vörum, tungu og raddböndum og heldur leshraða þínum þannig niðri. Þessi aðferð truflar líka skilning á textanum; þú leggur jafnvel mesta áherslu á að heyra textann innra með þér.

6.þú lest í hljóði í bókstaflegum skilningi - varir, tunga og raddbönd eru hreyfingarlaus meðan þú lest. Þá skynjarðu líka mun betur merkingu textans en hvernig hann hljómar.

 
7. þú festist í smáatriðum og því sem litlu máli skiptir; slíkt kemur niður á skilningi á aðalatriðum og góðri yfirsýn yfir textann. 7. þú rennir hratt gegnum smáatriði en leggur áherslu á að grípa meginhugsun textans.
8. lestur þinn er óvirkur; þú plægir í gegnum setningu eftir setningu en skilur hvorki efnið í heild né tengslin milli hluta þess. 8.þú lest með einbeitingu og skilningi, túlkar tilgang og gildi einstakra hluta verksins og leitar sífellt að meginhugsun þess texta sem þú ert að lesa.
9.þér gengur illa að einbeita þér. Þar sem þú festir ekki almennilega hendur á textanum ferðu oft að hugsa um eitthvað sem ekki kemur málinu neitt við, truflast af utanaðkomandi hljóðum eða því sem er að gerast í kringum þig. Afleiðing þessa er að þú manst lítið af því sem þú lest.

9. þú lest með fullri einbeitingu frá fyrstu mínútu. Þú verður svo upptekinn af þeim hugmyndum, sem fram koma í textanum, að þú missir allt samband við veröldina í kringum þig. Þetta leiðir til þess að þú manst vel það sem þú lest.

 
10. þú þreytist auðveldlega, af því að lestur er - í þínum huga - seinlegt verk, leiðinlegt og gagnslítið. Þú eyðir eins litlum tíma í bóklestur og þú mögulega kemst af með.

10. þú lest klukkutímum saman án þess að þreytast. Þú getur auðveldlega lesið heila skaldsögu í einni lotu - og gerir það iðulega.