Vikupistill
31. janúar
2005
Umhverfismál
Tillaga að umhverfisstefnu skólans fylgir hér í lok pistilsins. Ætlunin er
að þessi tillaga verði tekinn fyrir á næsta fundi skólanefndar. Athugasemdir
við tillöguna eru vel þegnar og sendist til Heiðu Bjarkar Sturludóttur heida@fa.is. Föstudaginn
4. febrúar kl. 13.00 verður haldinn fundur á kennarastofu þar sem fulltrúar
Landverndar kynna Grænfánann.
Próftafla vorið 2005
Vegna samræmdra stúdentsprófa er nauðsynlegt að breyta nokkuð fyrirkomulagi
vorprófanna. Prófin hefjast föstudaginn
29. apríl og þeim lýkur með sjúkraprófum 17. maí.
Söngkeppni og dansleikur
Söngkeppni nemenda verður haldin fimmtudaginn 3. febrúar kl. 15.00 í
Austurbæjarbíó. Dansleikur verður sama kvöld. Kennsla fellur því niður eftir
kl. 14.10 fimmtudaginn 3. feb. og í fyrsta tíma kl. 8.10-9.10 föstudaginn 4.
febrúar.
Gul spjöld
Brýnt er að foreldrar nemenda yngri en 18 ára fái vitneskju um að
unglingurinn þeirra mæti ekki nógu vel í skólann. Stjórnendur skora því á alla
kennara að skila gulum miðum til
skrifstofunnar, einkum þó þegar yngri nemendur eiga í hlut.
Námsáætlanir
Umsjónarkennarar eru beðnir um að sjá til þess að umsjónarnemendur þeirra
geri námsáætlun. Allir nemendur/umsjónarkennar eiga
að skila námsáætlunum til skrifstofu fyrir 1. mars.
Ráðherraheimsókn
Þorgerður Katrín Gunnarsdóttir menntamálaráðherra kom í heimsókn í FÁ
fimmtudaginn 27. janúar kl. 9.00. Í för með henni voru Karl Kristjánsson
deildarstjóri framhaldsskóladeildar og verkefnisstjórarnir Oddný Hafberg og
Þorbjörg Helga Vigfúsdóttir. Ráðherrann ræddi fyrirhugaðar breytingar á námskrá
skólastiganna þriggja, leikskóla, grunnskóla og framhaldsskóla. Samkvæmt þessum
tillögum á að endurskoða allar námskrár með það í huga að stytta námstímann til
stúdentsprófs. Þetta verður m.a. gert með því að færa námsefni til grunnskólans
og auka námsefni einstakra áfanga í framhaldsskólanum. Ráðherrannn
fékk margar gagnlegar ábendingar frá starfsmönnum FÁ.
Frá Framvegis
Margvíslegar hliðar lýðheilsu verða viðfangefnin í röð sex fyrirlestra
Framvegis, sem verða á miðvikudagskvöldum frá 16. febrúar. Fátækt, streita,
vinnuumhverfi og mataræði eru allt áhrifaþættir á heilsufar. Fyrirlesararnir
eru allir afar færir á sínu sviði.
Einstaklingar sem eiga við lestrar- og
skriftarörðugleika að etja eiga nú brýnt erindi við Framvegis, sem býður aftur
upp á námskeið fyrir þá eftir nokkurt hlé. Einstaklingsviðtöl og a.m.k.
lágmarks greining fer fram áður en námskeiðin hefjast. Tölvutæknin er notuð við
kennsluna auk annars og eru aldrei fleiri en 8 einstaklingar í námshópi.
Kennararnir eru afar færir og reynsluríkir á þessu sviði, en það eru þær Auður
Kristinsdóttir og Rannveig Lund.
Fræðslusetrið Starfsmennt og Framvegis hafa unnið
námskrá fyrir endurmenntun læknaritara og er stefnt að því að námið hefjist í
mars næstkomandi. Fimm fagaðilar hafa unnið að námskránni sem vel hefur verið
vandað til, þar á meðal eru FÁ-konurnar Guðrún
Narfadóttir, kennslustjóri læknaritara- og nuddbrautar
og Selma Guðnadóttir, kennari í læknaritun. Megin námsþættir verða almennt
starfsumhverfi, tölvufærni, tungumál og einstaklingsbundnir hæfnisþættir.
Gísli Ragnarsson
Fylgiskjal
Skólar eru að mörgu leiti hornsteinar hvers samfélags. Ungir hugar eru
mótaðir til framtíðar og kapp lagt á að miðla til nemenda þeim gildum sem
samfélagið vill að séu ríkjandi á hverjum tíma. Því er mikilvægt að skólar
landsins sinni umhverfismálum af alúð og einlægni. Fjölbrautaskólinn við Ármúla
telur hlutverk sitt mikilvægt við að auka umhverfisvitund í samfélaginu með því
að sýna nemendum gott fordæmi við
rekstur og stjórnun skólans. Skólinn mun hafa umhverfissjónarmið og verndun náttúrunnar að leiðarljósi jafnt í daglegum
athöfnum og í stefnumótun til framtíðar. Vinna innan skólans mun taka tillit
til sjálfbærrar þróunar þegar því verður við komið.
Umhverfisaðgerðir
Umhverfisaðgerðum
er forgangsraðað neðar í skjalinu. Það mun verða unnið að öllum eftirtöldum
aðgerðum og stefnt að því að þær verði allar komnar í framkvæmd fyrir 2010.
q
Vatn
o
Vatnshani – stuðla að aukinni vatnsdrykkju og
um leið minni neyslu gosdrykkja/ávaxtasafa/kaffis – betri heilsa og minna sorp
vegna drykkjaríláta.
o
Nota sem minnst af eiturefnum við
hreingerningar og nota ávallt umhverfisvottaðar hreingerningavörur þegar því
verður við komið . Þannig verður reynt
að koma í veg fyrir mengun vatns og um leið styrkja vörumerki, þar sem mengun umhverfis er haldið
í lágmarki við framleiðslu þeirra.
o
Fræðsla – Upplýsingaskilti hjá vatnshana um kosti
vatnsdrykkju.
q
Innkaup
o
Leggja áherslu á vörur sem eru vottaðar
vistvænar, s.s. vörur merktar Túni, Bláa englinum, Hvíta svaninum eða
Evrópublóminu.
o
Leitast við að kaupa inn vörur sem ekki eru
með óþarflega miklum umbúðum.
o
Lögð áhersla á að kaupa vandaðar vörur sem
endast vel.
q
Orka
o
Fara sparlega með orku með því að slökkva á
tækjum og slökkva ljós þegar vinnu við þau hefur verið lokið í lok vinnudags.
o
Nota sparperur sem nota minni orku og endast
lengur.
o
Þegar tæki eru endurnýjuð skal leitast við að
kaupa orkusparandi tæki í staðinn og helst umhverfisvottuð, s.s. tölvur,
ísskápa o.s.frv.
q
Sorp
o
Farga spilliefnum á
viðurkenndan hátt með sem minnstum umhverfisspjöllum.
o
Endurvinna bylgjupappa sem
til fellur ásamt fernum, dagblöðum og tímaritum, gæðapappír, áldósum,
rafhlöðum.
o
Setja fram hjá nemendum
tunnu fyrir ónýtar rafhlöður, fernur, dagblöð og tímarit.
o
Skjöl sem eru meira en ein síða eru prentuð á
báðar hliðar blaðs.
q
Samgöngur
o
Hvetja nemendur og starfsfólk til þess að
hjóla eða ganga í auknum mæli.
§
Sturtur fyrir starfsmenn sem kjósa að hjóla í
vinnuna. Stuðlar auk þess að heilsurækt starfsfólks sem vill hreyfa sig í
hádeginu s.s. skokka.
§
Hjólagrindur verði settar upp.
§
Nemendur hvattir til að nota
almenningssamgöngur, hjóla eða ganga í skólann.
·
Mögulega er hægt að meta það á einhvern hátt
til tekna hjá þeim starfsmönnum og nemendum sem ekki koma á bíl, þar sem mikill
kostnaður fer orðið í viðhald bílastæða og sífellt þarf að leggja aukið svæði
undir bílastæði.
q
Umhverfi skólans
o
Sorptunnum verði komið fyrir utandyra á
nokkrum stöðum til að koma í veg fyrir að rusli sé hent á skólalóð.
o
Lóð í kringum skóla verði vel hirt og
ákjósanleg til útivistar.
o
Umhverfi nemenda innanhúss verði gert hlýlegt
og aðlaðandi með lifandi plöntum og með því að skreyta veggi með litum og
málverkum sem gleðja augað og næra andann.
o
Fræðslu/áróðursskiltum verður komið fyrir við
reykingaaðstöðu og við inngang vestanmegin.
q
Fræðsla
o
Bjóða upp á valáfanga
í vistvænum lífsháttum sem standi bæði nemendum og kennurum til boða.
o
Hægt verður að byggja upp umhverfisbraut við skólann þar sem boðið verður upp á
margvíslega áfanga tengda umhverfismálum.
o
Alþjóðlegir og innlendir
umhverfisverndardagar s.s. dagur umhverfisins og umferðarvikan verði notaðir
til umhverfisfræðslu.
o
Efla umhverfisvitund og
áhuga starfsmanna á mikilvægi umhverfismála og kynna stefnu skólans í
málaflokknum. Til að ná þessu marki munu reglulega haldin námskeið fyrir
starfsfólk, fræðslu komið á framfæri í skjáauglýsingum skólans og dagbók
nemenda og kennara notuð til umhverfisfræðslu.
o
Setja upp nauðsynlegar
verklýsingar og leiðbeiningar og fylgja þeim eftir.
q
Eftirlit/Endurmat
o
Umhverfisaðgerðir og umhverfisstefna verða
endurskoðaðar reglulega eða að lágmarki einu sinni á ári.
Verkefnum raðað í forgangsröð
§
Sorp
1.
Nú þegar hefur verið hafist handa við flokkun
sorps. Gámur fyrir gæðapappír hefur verið staðsettur við vestanvert húsið og
endurvinnslukössum fyrir gæðapappír hefur verið dreift á vinnuherbergi kennara,
skrifstofur og í ljósritunarherbergi.
2.
Endurvinnsla á tímaritum og dagblöðum er
hafin. Tunnu hefur verið komið fyrir í matsal nemenda sem tæmd er eftir þörfum.
Framkvæmd og stjórnun umhverfisstefnu
Kostnaður
FÁ mun sækja um styrk til þess að
standa straum af umhverfisaðgerðunum og þeirri umsýslu sem þeim fylgir.
Kostnaður er margvíslegur í upphafi en þegar fram vindur mun heildarútkoma
fyrir skólann vera sparnaður enda er ódýrara að farga flokkuðu sorpi en
óflokkuðu svo dæmi sé nefnt.
1.
Endurvinnsla sorps
a.
Gámur fyrir gæðapappír frá Gámakó (hófst vor
2004)
i.
660 l gámur leigist á 72 krónur á dag
b.
Gámur fyrir dagblöð og tímarit frá Gámakó (
hefst haust 2004)
i.
660 l gámur leigist á 72 krónur á dag
c.
Flokkunarkassar fyrir gæðapappír
i.
50 l kassar 12 stykki keyptir frá IKEA á 11.
880 kr
2.
Umsýsla umhverfisfulltrúa vegna
skipulagningar og sendiferða
a.
Bensínkostnaður á mánuði 1000 kr
b.
Símakostnaður á mánuði 200 kr
c.
10 vinnustundir á mánuði
Skipulag
Skólanefnd þarf að samþykkja stefnu
skólans í umhverfismálum. Síðar verður umhverfisnefnd stofnuð þar sem allir
hópar sem koma að skólastarfinu eiga sinn fulltrúa. Að auki munu nemendur hafa
sérstaka umhverfisnefnd.
Skólinn stefnir að því að fá Grænfána
fyrir umhverfisstefnu sína og mun styðjast við umhverfisgátlista frá
Grænfánaverkefninu.
Í Umverfisnefnd munu eiga sæti
umhverfisfulltrúi, skólameistari, tveir fulltrúar kennara, fulltrúi frá
Heilbrigðisskóla, fulltrúi nemenda, fulltrúi ræstingafólks og umsjónarmaður
ásamt starfsmanni úr eldhúsi.
Í umhverfisnefnd nemenda munu 4
nemendur eiga sæti. Einn þessara
fjögurra nemenda mun auk þess eiga sæti í Umhverfisnefnd skólans og fá fyrir
setu sína þar eina einingu á misseri.