26. maí 2004
27 starfsmenn
voru mánudag og þriðjudag austur á Hótel Heklu með Hákoni Gunnarssyni í
stefnumótunarumræðum. Vinnan fólst í því að taka saman þau tækifæri sem væru
til úrbóta í starfi skólans og safnaðist mikið í sarpinn. Umræður voru
opinskáar og afskaplega ánægjulegar og menn komust að ákveðinni niðurstöðu um
þau efni sem þeir voru kannski ósammála um í upphafi. Framhaldið verður með
þeim hætti að Hákon kemur á fyrsta kennarafund í haust, fimmtudaginn 19. ágúst,
leggur fram skýrslu og fjallar um innhald hennar kl. 10-12. Stýrihópur um
sjálfsmat verður þá væntanlega búinn að leggja línur fyrir næstu skref, en
markmiðið er að setja upp skýra áfanga og tímasetja þá.
Nú hafa borist
tæplega 300 umsóknir um skólavist og er aðsókn jöfn og mikil. Á þriðja hundrað
hafa skráð sig í fjarnám, en skráningu lýkur á miðnætti 1. júní.
Þau tíðindi urðu
á Alþingi Íslendinga í gær, milli fjölmiðlalaga og umræðna um sjávarútvegsmál,
að þingmenn samþykktu að veita henni Patriciu íslenskan ríkisborgararétt. Þetta
gerðist stundvíslega kl. 21.07 í gær!!! Til hamingju, Patricia!
Bygginganefnd
fundar í dag og kl. 12.00 koma arkitektar hússins. Nefndin mun þá kynna þeim
viðhorf sín til frumdraganna.
Í bítið í
fyrramálið fara 68 manns úr skólanum, að nokkrum mökum meðtöldum, til Ítalíu
þar sem hópurinn mun heimsækja skóla og skoða sig um. Góða ferð!