Vikupistill

25. apríl 2005

1. Kennarafundur 2. maí

Boðað er til kennarafundar mánudaginn 2. maí kl. 13.15 á kennarastofu. Dagskrá fundarins:

1. Breyting á skólasóknarreglum

2. Ný stokkatafla

3. Önnur mál

2. Vikan 25. - 29. apríl

Nú eru einungis 4 kennsludagar eftir af önninni. Minnt er á þá reglu að síðustu kennsludagar séu próflausir. Vorprófin hefjast svo föstudaginn 29. apríl og eru kennarar beðnir um að kynna sér vel yfirsetu- og prófareglur. Prófstjóri er Jörundur Þórðarson.

3. Útskriftarnemar

Nemendur sem verða brautskráðir af heilbrigðisbrautum þáðu kaffiveitingar á kennarastofu miðvikudaginn 20 apríl. Kveðjuathöfn stúdentsefna fór fram föstudaginn 22. apríl. Þessir viðburðir tókust mjög vel.

4. Kynning á verkefnum kennaranema

Kennaranemar kynntu verkefni sín föstudaginn 22. apríl. Verkefnin varða ýmislegt í innra starfi FÁ, svo sem aðstoð við “dyslexíu” nemendur, nýbúakennslu og erlent samstarf. Guðfinna og María halda utan um kennaranemahópinn. Skólinn fær skýrslur um verkefnin þegar þær eru tilbúnar.

5. Frá Framvegis

Aðsókn að námskeiðum Framvegis hefur verið ágæt þessa vorönn 2005. Sérlega ganga mjög sérhæfð og hagnýt námskeið vel. Góð þátttaka hefur verið á fjarkenndu námskeiðunum fyrir félags- og heilbrigðisstéttir sem voru sex að þessu sinni. Ný verkefni á önninni voru sex tungumálanámskeið fyrir félagsmenn aðildarfélaga BSRB, “forystudanska” fyrir norrænt samstarf og Á vettvangi endurmenntunarnám fyrir læknaritara. Samstarf við Starfsmennt og SFR - starfsmannafélag í almannaþágu fer vaxandi. Við höfum orðið varar við aukinn áhuga á notkun fjarfundabúnaðarins að undaförnu, auk annarra vaxandi vinsælda. Framtíðin lofar því góðu.

Gísli