Vikuskammtur

21. apríl 2004

Vettvangsnám

Næsta vetur mun samstarfsnefnd um endurmenntun framhaldsskólakennara bjóða upp á námskeið fyrir leiðsagnarkennara, en þeir sinna kennaranemum og nýjum kennurum. Námið er 80 stunda vettvangsnám, kennt í lotum með heimavinnu á milli. Þátttakendur fá einnar kennslustundar afslátt á vinnuskyldu á viku. Umsjónarmaður er Hafdís Ingvarsdóttir og veitir hún nánari upplýsingar. Umsóknarfrestur er til 1. maí.

Einnig er auglýst vettvangsnám fyrir íslenskukennara, vettvangsnám um nýja kennsluhætti, hugmyndir og hagnýtingu og loks vettvangsnám í námsefnisgerð sem er nýtt. Umsóknarfrestur er til 1. maí. Margrét Þorvaldsdóttir, margrett@hi.is, veitir nánari upplýsingar.

Gíróseðlar

Í dag fara í póst 565 gíróseðlar til nemenda okkar. Þeir hafa greiðslufrest til 4. maí næstkomandi. Auk þess fá gíróseðil 12 sjúkraliðar í staðbundnu framhaldsnámi og 26 sjúkraliðar í sama námi um fjarfundabúnað.

Byggingamál

Fyrirhugaður er fundur með ráðuneytismönnum í byrjun bæ. Nokkrir hafa sent athugasemdir vegna rýmisáætlunarinnar, en nauðsynlegt er að fá allar athugasemdir í hús fyrir 1. maí.

Viðhaldsóskir

Ýmislegt er nú þegar ákveðið um viðhald hússins í sumar. Vigfús er útsjónarsamur og skipuleggur það vel. En betur sjá augu en auga og því eru menn beðnir að senda Vigfúsi ábendingar um það sem þeim finnst að megi laga.

Sölvi Sveinsson