Vikuskammtur

Þriðjudaginn 17. ágúst 2004

Upphaf haustannar

Boðað er til kennarafundar fimmtudaginn 19. ágúst kl. 9.00. Á dagskrá er upphaf annarinnar og önnur hefðbundin mál á fyrsta fundi. Að loknu veislukaffi mun Hákon Gunnarsson kynna skýrslu sína í kjölfar stefnumótunarfundarins í vor.

Myndataka

Nýir starfsmenn og þeir sem ekki náðust á mynd síðastliðið haust eiga að koma í stofu A11 í myndatöku milli kl. 12 og 13.00 á föstudaginn.

Umsjónarmenn með æfingarkennurum

Guðfinna Steinarsdóttir og María B. Kristjánsdóttir munu sinna kennaranemunum í vetur. Ég þakka Hannesi og Margréti fyrir vel unnið starf.

Fræðslufundir

Að greina geðræn frávik meðal nemenda

Föstudagana 27. ágúst og 3. september 2004 kl. 13

Kennari: Salbjörg Bjarnadóttir, geðhjúkrunarfræðingur.

Markmið námskeiðsins er að auðvelda kennurum að greina og bregðast við ýmsum röskunum að geðrænum toga meðal nemenda eða aðstæðum sem gett leitt til þeirra. Fjallað verður um nokkra af eftirfarandi þáttum: átröskun, sjálfsvígshegðun, þunglyndi, kvíðaraskanir, svefntruflanir, sjálfsskaðandi hegðun og fíkniefnaneyslu. Einnig verður rætt um viðbrögð við flogaveiki og hvernig koma má til móts við samkynhneigða nemendur. Áhersluatriði ráðast af áhuga kennara.

Salbjörg Bjarnadóttir geðhjúkrunarfræðingur hefur langa reynslu af starfi á geðdeildum. Hún hefur einnig starfað á unglingasviði Barnaverndarstofu við eftirlit og ráðgjöf á meðferðarheimilum, en er nú verkefnisstjóri hjá Landlæknisembættinu og sér m.a. um sjálfsvígsforvarnir og verkefnið Þjóð gegn þunglyndi. 

Töflugerð

Töflugerð hefur gengið vel og 91% nemenda fengu strax svokallaða A-lausn, þ.e. jafnmarga áfanga og þeir völdu í aðalval. 60 nemendur eru með árekstra og vandræði og eiga það sammerkt að á þeim var ekkert eða lítið varaval.

            Núna, kl. 13.57, er 1001 nemandi með töflu. Nú er verið að raða niður í stofur og krossleggja menn fingur...

Sölvi Sveinsson