Bygginganefnd

Bygginganefndir fimm skóla í borginni eru boðaðar á fund í menntamálaráðuneytinu kl. 15.00 í dag. Þar mun Gerður Óskarsdóttir fræðslustjóri fara yfir málin. Nefndin okkar hélt 2. fund sinn á dögunum. Meðfylgjandi er fundargerð Ólafs H. Sigurjónssonar.

2. fundur bygginganefndar Fjölbrautaskólans við Ármúla

haldinn 3. mars 2004 kl. 15:30 í kennslustofu A13

Mætt: Vigfús Þór Jónsson húsvörður, Erna Jóhannsdóttir kennari, Kristín Björgvinsdóttir forstöðumaður bókasafns, Snorri Már Skúlason nemandi, Bryndís Þóra Þórsdóttir kennslustjóri, Sölvi Sveinsson skólameistari og Ólafur Hjörtur Sigurjónsson aðstoðarskólameistari.

Kristen Mary Swenson kennari boðaði forföll, Oddur Helgi Guðmundsson nemandi fjarverandi.

Egill Guðmundsson, Björn Guðbrandsson og Hallur Kristvinsson arkitektar komu á fundinn

Skólameistari setti fund og bauð nefndarmenn velkomna.

Egill gerði grein fyrir því að FB og FÁ væru báðir undir skoðum þeirra .

Þeirra vinna yrði þessi:

Úttekt á núverandi húsnæði.

Fara yfir það sem gert hefur verið í hugmyndavinnu og vinna einnig alveg óháð því að nýjum hugmyndum.

Áætlun um húsrými til framtíðar miðað við sérstöðu skólans.

Tillögur að lausn bæði í núverandi húsnæði og vegna stækkunar.

Tillögur um lóðarfyrirkomulag.

Stefnt er að því að greiningu og forsögn (rýmisáætlun ) verið lokið í mars og tillögum í apríl. Haft verður samband við Fasteignir ríkisins til þess að viðhaldaáætlun þeirra og fyrirhugaðar tillögur skarist ekki.

Kannað verður hjá skipulagsyfirvöldum hvernig lóðarmálum er háttað, en lóð skólans hefur minnkað nokkuð vegna nágrannabyggðar sem farið hefur inn á hana.

Fundarmenn skiptust á skoðunum um þessa áætlun og eru aðilar eru sammála þessu meginferli.

Að þessu loknu fóru arkitektar um húsið í fylgd húsvarðar

Fundi slitið kl. 16.30

Ólafur H. Sigurjónsson fundarritari

Styrkir til námsefnisgerðar

Úthlutun er lokið. Mér sýnist eftirtaldir styrkir koma hingað í hús: Bryndís Þóra Þórsdóttir: 200 þús. í vefsíðu í lyfhrifafræði. Guðrún Kjartansdóttir: 200 þús. í lyfjahvarfafræði 203. Margrét Gestsdóttir: Stríð og mansal. 100 þús. Ólafur Þórisson: Námsefni fyrir myndvinnslu og margmiðlun. 150 þús.

Færeysk heimsókn

Í vikunni sem var komu í heimsókn 12 nemendur og 2 kennarar úr menntaskóla í Færeyjum. Þau voru hér í sambandi við verkefni sem þau eru búin að vinna í skólanum hjá sér. Verkefnið er hluti af forvarnastarfi í Færeyjum. Krakkarnir sem komu búa öll á eigin vegum meðan þau eru í skóla. Stine utanríkisráðherra tók á móti eyjaskeggjum.

Stöðumat í áfanga

Almennt virðist nemendum ganga vel að nálgast matið. 158 nemendur eru með þrjú C eða fleiri. Ég mun ræða við alla sem fengu fjögur C eða fleiri.

Safamýri

Sérdeildin okkar í Safamýri gengur vel. Nú er ljóst að skólinn fær til umráða næsta vetur stofuna á Lyngási og tryggir það rekstur deildarinnar næsta vetur. Á meðan verða ríki og borg að ná saman um húsnæði til frambúðar.

Val fyrir haustönn

Nokkrir tugir nemenda hafa nú valið, en betur má ef duga skal. Brýnt er að ítreka við nemendur að velji þeir ekki fá þeir ekki sendan gíróseðil og þar með ekki skólavist. Ég bið menn ítreka þetta við nemendur í þessari viku. Vali skal vera lokið 26. mars.

Tengslaráðstefna

Undirrituðum var boðið á tengslaráðstefnu í Bordeux 17.-19. mars. ÓHS mun sækja hana fyrir hönd skólans.

Sölvi Sveinsson